మహా కుంభమేళాలో దండలు, రుద్రాక్షలు అమ్ముకునే మోనాలిసా తన తేనె కళ్ళతో వైరల్ అయిన విషయం తెలిసిందే. మోనాలిసాకు సినిమా ఆఫర్లు అంటూ కూడా పలు వార్తలు హల్‌చల్ చేశాయి. తన నెక్ట్స్ మూవీలో అవకాశం ఇస్తానని బాలీవుడ్ డైరెక్టర్ సనోజ్ మిశ్రా ప్రకటించారు. ఇచ్చిన మాట ప్రకారం ఆయన ఇండోర్‌లోని ఖర్గోన్ జిల్లా మహేశ్వర్‌లోని మోనాలిసా నివాసానికి వెళ్లారు. అక్కడ మోనాలిసా తండ్రికి సినిమా ఇండస్ట్రీ గురించి ఉన్న సందేహాలను డైరెక్టర్ క్లియర్ చేశారు. మోనాలిసా తండ్రి జై సింగ్ భోంస్లే తన కుమార్తె సినిమాల్లో నటించేందుకు అనుమతించారు.

ఈ తరుణంలో 'ది డైరీ ఆఫ్ మణిపూర్' సినిమాలో నటించేందుకు ఆమె నుంచి అంగీకార పత్రంలో సంతకం చేయించుకున్నారు. సినిమా షూటింగ్‌కి ముందు ముంబైలో యాక్టింగ్ ట్రైనింగ్ కూడా ఇవ్వనునట్లు తెలుస్తోంది. మోనాలిసా ఏప్రిల్ నుంచి షూటింగ్ కు హాజరు కానున్నట్లు వార్తలు వినిపిస్తున్నాయి. అక్టోబర్‌లో ఈ చిత్రాన్ని ప్రేక్షకుల తీసుకువచ్చేందుకు చిత్ర బృందం సన్నాహాలు చేస్తోన్నట్లు తెలిపారు. ఈ విషయాన్ని డైరెక్టర్ సనోజ్ మిశ్రా సోషల్ మీడియా వేదికగా పంచుకున్నారు. ఈ సినిమాలో రాజ్‌కుమార్ రావు సోదరుడు అమిత్ రావు నటిస్తున్నట్లు సమాచారం.