కొబ్బ‌రినీళ్ల‌లో ఎలాంటి ఆరోగ్య‌క‌ర ప్ర‌యోజ‌నాలు దాగి ఉంటాయో అంద‌రికీ తెలిసిందే. కానీ, చాలా మంది కొబ్బ‌రి నీళ్ల‌ను కేవ‌లం ఎండాకాలం మాత్ర‌మే దాహం తీర్చుకోవ‌డం కోసం, శ‌క్తి కోసం తాగుతారు. కొబ్బ‌రినీళ్లు ఏ కాలంలో తాగినా మ‌న‌కు ఎన్నో ప్ర‌యోజ‌నాలు ఉంటాయి. అనారోగ్య స‌మ‌స్య‌లు న‌య‌మ‌వుతాయి. అయితే ప్రతి రోజూ ఉద‌యాన్నే ప‌ర‌గ‌డుపున ఒక గ్లాస్ కొబ్బ‌రి నీళ్ల‌ను తాగితే ఎలాంటి ప్రయోజనాలు క‌లుగుతాయో తెలుసుకుందాం..!  

రోజూ ప‌ర‌గ‌డుపున కొబ్బ‌రి నీటిని తాగ‌డం వ‌ల్ల రోగ నిరోధ‌క శ‌క్తి పెరుగుతుంది. శ‌రీరంలో ఉండే క్రిములు నాశ‌న‌మ‌వుతాయి. ఇన్‌ఫెక్ష‌న్ల బారిన పడకుండా ఉంటాము. ఏ వ్యాధి వ‌చ్చినా త‌ట్టుకునే శ‌క్తి శ‌రీరానికి ల‌భిస్తుంది. రోజూ కొబ్బ‌రి నీళ్ల‌ను తాగితే శ‌రీరంలో అద‌నంగా పేరుకునిపోయి ఉన్న కొవ్వు క‌రుగుతుంది. దీంతో బ‌రువు త‌గ్గే అవకాశం ఉంది.

కొబ్బ‌రి నీళ్ల‌ను రోజూ తాగితే శ‌రీరానికి కొత్త ఉత్సాహం వ‌స్తుంది. రోజంతా యాక్టివ్‌గా ఉంటారు. ఏ ప‌ని చేసినా త్వ‌ర‌గా అల‌సిపోరు. శారీర‌క శ్ర‌మ చేసే వారు, వ్యాయామం చేసే వారు ఉద‌యాన్నే కొబ్బ‌రినీళ్లను తాగ‌డం వ‌ల్ల అమిత‌మైన శ‌క్తిని పొంద‌వ‌చ్చు. శ‌రీరంలో నీరు అంతా పోయి డీహైడ్రేష‌న్ బారిన ప‌డే వారికి త‌ల‌నొప్పి వ‌స్తుంది. దీన్ని త‌గ్గించుకోవాలంటే ఉద‌యాన్నే కొబ్బ‌రి నీళ్ల‌ను తాగాలి. దీంతో డీహైడ్రేష‌న్ స‌మ‌స్య రాకుండా ఉంటుంది.

కొబ్బ‌రి నీళ్ల‌ను రోజూ తాగ‌డం వ‌ల్ల శ‌రీరం అంత‌ర్గ‌తంగా శుభ్ర‌మ‌వుతుంది. శ‌రీరంలో ఉండే బాక్టీరియా, వైర‌స్‌లు బ‌య‌ట‌కు వెళ్లిపోతాయి. శ‌రీరం శుభ్రం అవుతుంది. పరగడుపున కొబ్బరినీళ్ళు తాగితే మూత్రాశ‌య ఇన్‌ఫెక్ష‌న్లు రావు. మూత్ర నాళాలు, కిడ్నీల్లో ఉండే రాళ్లు క‌రిగిపోతాయి. కొబ్బరి నీళ్ల వలన చిన్న పిల్లలకు కూడా ఎన్నో లాభాలు ఉన్నాయి.  తల్లి పాలలో ఉండే లాక్టిక్‌ యాసిడ్‌ కొబ్బరి నీళ్లలో కూడా ఉంటుందని డాక్టర్లు చెబుతున్నారు. ఈ నీళ్లను పిల్లలు తాగితే వారు మానసికంగా, శారీరకంగా బాగా ఎదుగుతారు. వారికి చ‌క్క‌ని పోష‌ణ ల‌భిస్తుంది. గర్భిణీలు నిత్యం కొబ్బరి నీళ్లు తాగడం వల్ల గర్బాశయంలో ఉన్న సమస్యలు పోతాయి. దీంతో గ‌ర్భాశ‌యంలో ఉండే బిడ్డకు ఆరోగ్యం క‌లుగుతుంది. పుట్ట‌బోయే బిడ్డ ఆరోగ్యంగా ఉంటుంది.