మనలో చాలా మందికి ఉదయాన్నే వ్యాయామం చేయడం అలవాటు. నిద్ర లేచిన వెంటనే వ్యాయామం చేస్తుంటారు. కొందరు బరువు తగ్గేందుకు రకరకాల వ్యాయామాలు చేస్తుంటారు. కొందరు జిమ్‌కి పరిగెత్తుతుంటారు. చాలా మంది రెగ్యులర్ గా వర్క్ అవుట్ చేస్తుంటారు. పొద్దున్నే వర్కవుట్ చేస్తే బరువు కూడా వేగంగా పడిపోతుంది. రెగ్యులర్ వ్యాయామం చేసేవారు తరచుగా ఖాళీ కడుపుతో వ్యాయామం చేయడం సౌకర్యంగా ఉంటుంది. అయితే కొందరికి ఇది మరింత ఇబ్బందిగా ఉంటుంది. ఎందుకంటే అందరి శరీరం, ఆహారపు అలవాట్లు ఒకేలా ఉండవు. కాబట్టి ఖాళీ కడుపుతో వ్యాయామం చేయడం మంచిది కాదు. ఇది వివిధ ఆరోగ్య సమస్యలకు కూడా దారి తీస్తుంది.

ముఖ్యంగా బరువు తగ్గాలనుకునే వారు కొన్ని ప్రత్యేక జాగ్రత్తలు తీసుకోవాలి. ఇప్పటికే అనేక రకాల వ్యాయామాలు చేస్తూ, జిమ్‌కి వెళ్లి తమ శరీరాన్ని షేప్‌గా ఉంచుకుంటే అలాంటి సాధన మంచిది. నేటి జీవనశైలిలో ఆరోగ్యంగా ఉండడం చాలా ముఖ్యం కాబట్టి ఉదయాన్నే వ్యాయామం చేస్తే త్వరగా బరువు తగ్గుతారు. ఖాళీ కడుపుతో వ్యాయామం చేయకుండా వ్యాయామానికి ముందు అరటిపండు తినడం మంచిది. అరటిపండ్లు తినడం వల్ల శరీరానికి బలం చేకూరుతుంది. ఇందులో ఉండే పిండి పదార్థాలు, పొటాషియం కండరాలు, నరాలను చురుకుగా ఉంచుతాయి. అరటిపండ్లు లేదా యాపిల్ తిని కూడా వ్యాయామం చేయవచ్చు. యాపిల్స్ లో ఫైబర్ పుష్కలంగా ఉంటుంది. ఇది చాలా కాలం పాటు కడుపు నిండుగా ఉండటానికి సహాయపడుతుంది. ఫలితంగా బరువు తగ్గుతారు. కడుపు నిండా తిన్న తర్వాత వ్యాయామం చేయడం కష్టంగా అనిపిస్తుంది. అందుకే లైట్‌గా తీసుకుంటే శరీరం తేలిగ్గా ఉంటుంది.