ఉదయం లేవగానే ఇలా చేస్తే త్వరగా బరువు తగ్గుతారని నిపుణులు చెబుతున్నారు. ఉదయాన్నే నిద్రలేవడం, వర్క్‌అవుట్‌ చేయడం వంటి అలవాట్లు.. వేగంగా బరువు తగ్గడానికి సహాయపడతాయని అనేక పరిశోధనలు నిరూపించాయి.

ఉదయాన్నే నిద్రలేవండి : మీరు ఉదయాన్నే నిద్రలేస్తే మీ బరువు అదుపులో ఉండటమే కాక ఎన్నో ఆరోగ్య ప్రయోజనాలు ఉన్నాయి. మీరు త్వరగా నిద్రలేవడానికి త్వరగా నిద్రపోవాలి. ఆరోగ్యంగా ఉండటానికి కచ్చితంగా 8 గంటల నిద్ర అవసరమని నిపుణులు అంటున్నారు. త్వరగా నిద్ర లేస్తే మీరు వ్యాయామం చేసుకునేందుకు అవకాశం ఉంటుంది. 

ధ్యానం : మీ రోజును ప్రశాంతంగా ప్రారంభించడానికి ధ్యానం మెరుగైన మార్గం. ఉదయం 10-15 నిమిషాలు ధ్యానం చేస్తే మీ మనస్సు ప్రశాంతంగా ఉంటుంది. ఆ రోజు మొత్తం సమర్థంగా పని చేయడానికి మిమ్మల్ని సిద్ధం చేస్తుంది. 

గోరువెచ్చని నీరు : ఉదయం లేవగానే పరగడుపున ఒక గ్లాసు గోరువెచ్చని నీటిని తీసుకోవడం వల్ల జీర్ణవ్యవస్థ మెరుగుపడుతుంది. నాడీ వ్యవస్థను మెరుగుపరచడంలోనూ గోరువెచ్చని నీరు సహాయపడతాయి.

వర్కవుట్‌ : సాయంత్రం చేసే వర్కవుట్‌ల కంటే ఉదయం వర్కవుట్‌లు మంచి ఫలితాలను ఇస్తాయని నిపుణులు అంటున్నారు. ఉదయం వ్యాయామం చేస్తే మీ స్లీపింగ్‌ సైకిల్‌ మెరుగు పడుతుంది.