బోరుగడ్డ అనిల్ కుమార్ రాజమండ్రి కేంద్ర కారాగారంలో లొంగిపోయారు. మంగళవారం సాయంత్రంతో (మార్చి 11) ఆయన మధ్యంతర బెయిల్ గడువు ముగిసింది. కానీ గడువు సమయానికి లొంగిపోయేందుకు ఆయన జైలుకు రాకపోవడంతో సంబంధిత అధికారులు హైకోర్టుకు సమాచారం ఇచ్చారు. దీంతో ఆయన ఈ రోజు జైలులో లొంగిపోయారు.

ఈ నేపథ్యంలోనే బోరుగడ్డ అనిల్‌ కోసం రాజమండ్రి జైలుకు గుంటూరు పోలీసులు వెళ్లారు. పాస్టర్ ను బెదిరించిన ఘటనలో పట్టాభిపురం పోలీస్ స్టేషన్ లో ఆయనపై కేసు నమోదైంది. ఈ ఘటనలో పీటీ వారెంట్పై బోరుగడ్డను పోలీసులు గుంటూరు కోర్టుకు తీసుకురానున్నారు.