పవిత్ర పుణ్య క్షేత్రం తిరుపతిలో అనుకోని సంఘటన జరిగింది. టికెట్ల జారీ దగ్గర తోపులాట, తొక్కిసలాట జరిగి ఆరుగురు మతికి కారణమయింది. మరింత మంది గాయాలపాలయ్యారు. అయితే దీటంతటికీ ఇద్దరు వ్యక్తులు కారణమని భక్తులు ఆరోపిస్తున్నారు. కావాలనే వారు ఉద్దేశపూర్వకంగా ఈ పని చేశారని అంటున్నారు. దీంతో ఇప్పుడు ఆ ఇద్దరు ఎవరా అని టీటీడీ అధికారులు, పోలీసులు ఆరా తీస్తున్నారు. వాళ్ళు ఎవరు, ఎందుకు చేశారు ఇదంతా అని తెలుసుకోవడానికి ప్రయత్నిస్తున్నారు.

టికెట్ల జారీ క్యూ లైన్ దగ్గర అనారోగ్యంతో ఆయసపడుతున్న వృద్దురాలను గుర్తించి గుంపు నుండి తప్పించి గేటు లోపలికి తీసుకువచ్చేందుకు టీటీడీ సిబ్బంది ప్రయత్నించారు. దీనికి వృద్ధురాలి వెనుకున్న భక్తులు కూడా సహకరించారు. ఆమె ఒక్కరినే లోపలికి తీసుకుని వెళుతున్నారు. కానీ ఇంతలో కొద్ది దూరంలో కేకలు అరుపులతో దుమారం లేచింది. అది కాస్త తోపులాటగా మారింది. అయితే ఇది ఎవరు చేశారు అన్నది మాత్రం తెలియడం లేదు. ఒక్కరు లేదా ఇద్దరు చేశారా? లేదా ఏకంగా ఒక గుంపు చేసిన పనా అని అనుమానాలు వ్యక్తం అవుతున్నాయి.