స్టేట్ బ్యాంక్ ఆఫ్ ఇండియా కస్టమర్లకు కీలక అప్ డేట్ ప్రకటించింది. ఈ రోజు మధ్యాహ్నం 1 నుంచి 4 గంటల వరకు డిజిటల్ బ్యాంకింగ్ సేవలు అందుబాటులో ఉండవని వెల్లడించింది. వార్షిక క్లోజింగ్ యాక్టివిటీ కారణంగా సేవల్లో అంతరాయం కలిగిస్తున్నందుకు చింతిస్తున్నట్లు కస్టమర్లకు మెసేజ్ ద్వారా ముందుగానే వెల్లడించింది.

భారత కాలమానం ప్రకారం ఏప్రిల్ 1 మధ్యాహ్నం ఒంటి గంట నుంచి సాయంత్రం 4 గంటల వరకు అంటే దాదాపు 3 గంటల పాటు కస్టమర్లకు ఇంటర్నెట్ బ్యాంకింగ్, యోనో లైట్, యోనో బినినెస్ వెబ్ అండ్ యాప్, యోనో, యూపీఐ సేవలు అందుబాటులో ఉండబోవని తన అధికారిక వెబ్ సైట్లో కూడా వెల్లడించింది. ఈ సమయంలో స్టేట్ బ్యాంక్ కస్టమర్లు తమ యూపీఐ లైట్, ఏటీఎం వంటి పద్ధతుల్లో తమ ట్రాన్సాక్షన్స్ పూర్తి చేసుకోవచ్చని బ్యాంక్ సూచించింది.