ఆచారాలకు ప్రాధాన్యత అంటూ కొత్త చట్టాలతో విమర్శల పాలవుతున్న ఇరాక్ పాలకులు మరో వివాదాస్పద చట్టానికి ఆమోదం తెలిపారు. గతంలో అమ్మాయిల కనీస వివాహ వయస్సు 18 సంవత్సరాలు ఉండగా ఆ నిబంధన మారనుంది. షియత్‌లు ఎక్కువగా అనుసరించే జాఫరీ ఇస్లామిక్ చట్టం ప్రకారం 9 ఏళ్ల బాలికకూ పెళ్లి చేయొచ్చు. ఆ మేరకు వీలు కల్పించేలా ఇరాక్ వివాహ చట్టానికి సవరణలను ఆమోదించనున్నట్లు సమాచారం. 

దీంతో మహిళల జీవితాలు ప్రమాదంలో పడతాయని ప్రతిపక్షం ఆందోళన వ్యక్తం చేస్తోంది. గతంలో ఇదే అంశంపై మహిళలు నిరసనలు వ్యక్తం చేసిన విషయం తెలిసిందే.