లివర్ ప్రమాదంలో ఉందని చెప్పే కొన్ని లక్షణాలు
లివర్ మానవ శరీరంలో ముఖ్యమైన అవయవం. ఇది రక్తాన్ని శుభ్రపరుస్తుంది. జీవక్రియను వేగవంతం చేస్తుంది. ఆహారాన్ని జీర్ణం చేసే ఎంజైమ్స్ విడుదలతో పాటు అనేక పనులు నిర్వహిస్తుంది. ఇక, ప్రతి ఏటా ఏప్రిల్ 19న ప్రపంచ కాలేయ దినోత్సవాన్ని జరుపుకుంటారు. కొందరికి చిన్నప్పటి నుంచి లివర్ సమస్యలు ఉంటాయి. మరికొందరికి వయసు పెరిగే కొద్దీ లివర్ పనితీరు నెమ్మదిస్తుంది. దీంతో అనేక వ్యాధుల బారిన పడే ప్రమాదం ఉంది.
ఫ్యాటీ లివర్‌తో పాటు లివర్ సిర్రోసిస్, లివర్ ఇన్‌ఫెక్షన్, లివర్ ఫెయిల్యూర్ మొదలైన వాటి ప్రమాదం పెరుగుతుంది. తీవ్రమైన లేదా దీర్ఘకాలిక కాలేయ వ్యాధుల కొన్ని లక్షణాలు చాలా మందికి తెలియవు. తీవ్రమైన లివర్ వ్యాధి ఆకస్మిక లక్షణాలతో ప్రారంభమవుతుంది. లేదా అప్పుడప్పుడు తీవ్రమైన లక్షణాలను కలిగి ఉంటుంది. తీవ్రమైన లక్షణాలలో జ్వరం, అలసట, బలహీనత, కామెర్లు, చర్మం, కళ్ళు పసుపు రంగులోకి మారడం, ముదురు మూత్రం, లేత మలం, వికారం, వాంతులు, శరీరం యొక్క కుడి వైపున పక్కటెముకల కింద నొప్పి ఉంటాయి. అంతగా తెలియని లక్షణాలలో చర్మం దురద, మానసిక గందరగోళం, దిక్కుతోచని స్థితి, దుర్వాసనతో కూడిన శ్వాస ఉంటాయి.
దీర్ఘకాలిక కాలేయ వ్యాధి ఉన్నవారు కొన్ని సంవత్సరాల వరకు ఈ లక్షణాల్ని అనుభవించకపోవచ్చు. కళ్ళు పసుపు రంగులోకి మారడం లేదా కామెర్లు రావడం అత్యంత సాధారణ లక్షణం. కానీ కాలేయ వ్యాధి ముదిరే కొద్దీ అనేక ఇతర సంకేతాలు, లక్షణాలు కనిపిస్తాయి. ఎందుకంటే ఇది రక్త ప్రవాహం, హార్మోన్లు, పోషక స్థితిని ప్రభావితం చేస్తుంది. దీర్ఘకాలిక లివర్ వ్యాధి యొక్క కొన్ని లక్షణాలు చాలా మందికి తక్కువగా మాత్రమే తెలుస్తాయి. ఈ లక్షణాలు సంకేతాలు చర్మం, గోళ్లను ప్రభావితం చేస్తాయి. అవి స్పూన్ గోర్లు, టెర్రీ గోర్లు, నెయిల్ క్లబ్బింగ్, స్పైడర్ ఆంజియోమాస్ (స్పైడర్ కాళ్ళలాగా బయటికి ప్రసరించే సన్నని, ఎర్రటి నాళాలతో కూడిన మధ్య ఎరుపు మచ్చలు), చర్మంపై చిన్న ఎర్రటి మచ్చలు (పెటెచియే), చర్మం లేదా కనురెప్పలపై కొవ్వు నిల్వల చిన్న పసుపు గడ్డలు. కనురెప్పలపై ఉన్న ఈ పరిస్థితి జాంథెలాస్మాస్ అని పిలుస్తారు.
అంతేకాకుండా రక్తనాళాల నుంచి ద్రవాలు కారడం, ద్రవాలు శరీరంలో పేరుకుపోవడం, ఉదరం వాపు, చీలమడంల వాపు, పాదాలు, చేతులు, ముఖంలో వాపు కూడా సంభవించవచ్చు. స్త్రీలు సక్రమంగా లేని పీరియడ్స్, వంధ్యత్వాన్ని అనుభవించవచ్చు. పురుషులలో కుంచించుకుపోయిన వృషణాలు, విస్తరించిన పురుషు రొమ్ము కణజాలం (గైనెకోమాస్టియా) వంటి లక్షణాలు కనిపిస్తాయని ఓ వైద్యుడు తెలిపారు.
.jpg)