ఈ అధ్యక్షుడు మాకొద్దు.. 40 వేల మంది ప్రభుత్వ ఉద్యోగుల రాజీనామా

అమెరికాలో ప్రభుత్వ ఉద్యోగాల కోత ప్రారంభమైంది. ది ఆఫీస్ ఆఫ్ పర్సనల్ మేనేజ్ మెంట్ ఇచ్చిన బై అవుట్ ఆఫర్ గడువు ముగియనుంది. ఈ నేపథ్యంలో ఇప్పటికే 40వేల మంది ప్రభుత్వ ఉద్యోగులు తమ కొలువులకు రాజీనామా చేసేందుకు అంగీకరించినట్లు వాల్ స్ట్రీట్ జర్నల్ కథనం వెల్లడించింది. ఈ సంఖ్య భవిష్యత్తులో వేగంగా పెరుగుతుందని తెలిపింది.

బై అవుట్ ఆఫీస్ ఆఫ్ పర్సనల్ మేనేజ్ మెంట్ నుంచి ఒక మెమో వెలువడింది. ఈ మేరకు ఒక ఈమెయిల్ 20లక్షల మంది ఉద్యోగులకు వెళ్లింది. స్వచ్చందంగా ఉద్యోగాలను వదులుకుంటే 8నెలల జీతం ఇస్తారని అందులో వెల్లడించారు. ఫిబ్రవరి 6వ తేదీ లోపు ఓ నిర్ణయానికి రావాలని ఇందులో తెలిపారు. దీనిని ఎంచుకున్న వారికి సెప్టెంబర్ వరకు పనిచేయకుండానే జీతం పొందే అవకాశం ఉన్నా అందుకు ఎలాంటి హామీ ఇవ్వలేదని ఉద్యోగ సంఘాలు ఆగ్రహం వ్యక్తం చేస్తున్నాయి.