బెంగళూరులో భారీ అగ్నిప్రమాదం.. కాలి బూడిదైన 150 వాహనాలు

బెంగళూరు : శ్రీరాంపురలోని పోలీస్‌ యార్డులో భారీ అగ్నిప్రమాదం సంభవించింది. 150 వాహనాలు దగ్ధమయ్యాయి. మంటల్లో 130 ద్విచక్ర వాహనాలు, పది ఆటోలు, పది కార్లు దగ్ధమయ్యాయి. దాదాపు రెండు గంటల పాటు అగ్నిమాపక సిబ్బంది మంటలను అదుపులోకి తెచ్చారు.

శ్రీరామ్‌పురలో పోలీసులు వాహనాలు సీజ్‌ చేసి పార్క్‌ చేసి ఉంచిన స్థలంలో ప్రమాదవశాత్తు మంటలు చెలరేగాయి. ఒకదాని వెంట మరొకటి మంటలు అంటుకున్నాయి. దీంతో 150 వాహనాలు దగ్ధమయ్యాయి. ఈ ఘటనలో ఎవరికీ గాయాలు కాలేదు. 130 ద్విచక్రవాహనాలు, 10 ఆటోలు, 10 కార్లు దగ్ధమయ్యాయని పోలీసులు వెల్లడించారు. బ్యాటరీల్లో మండే పదార్థాలు ఉండటమే కారణమై ఉండొచ్చని పోలీసులు భావిస్తున్నారు.