Breaking News : ప్రముఖ దర్శకుడు కన్నుమూత

ప్రముఖ మలయాళ చిత్ర దర్శకుడు షఫీ (56) కన్నుమూశారు. అంతర్గత రక్తస్రావం కారణంగా ఈ నెల 16న కొచ్చిలోని ఓ ప్రైవేట్ ఆస్పత్రిలో చేరిన షఫీ శనివారం రాత్రి కన్నుమూశారు. చాలా రోజులుగా తీవ్రమైన తలనొప్పితో ఆసుపత్రిలో చేరగా మెదడులో రక్తస్రావం అయినట్లు వైద్యులు గుర్తించారు. దీంతో శస్త్రచికిత్స చేసినప్పటికీ, షఫీ ఆరోగ్యం మరింత దిగజారింది. 

వెంటిలేటర్పై ఉంచినా పరిస్థితి విషమించడంతో శనివారం రాత్రి మరణించారు. షఫీ 2001లో వన్ మ్యాన్ షో సినిమాతో దర్శకుడిగా అరంగేట్రం చేశారు. కళ్యాణరామన్, పులివల్ కళ్యాణం, తొమ్మనుమ్ మక్కలుమ్, మాయావి, చట్టంబినాడు, చాక్లెట్, మేరిక్కుండోరో కుంజాడు, మేకప్ మ్యాన్, టూ కంట్రీస్, షెర్లాక్ టామ్స్ వంటి సినిమాలకు షఫీ దర్శకత్వం వహించారు.